Björt framtíð

Skipurit

Hugmyndin á bakvið skipurit Bjartrar framtíðar er sú að stjórnmál séu þjónustustarf, að stjórnmálamenn séu fulltrúar annarra og að skapaður sé eðlilegur og afslappaður vettvangur þar sem ólíkir einstaklingar sem deila lífssýn geti komið saman og tjáð hug sinn til samfélagsmála og boðið fram hugmyndir sínar, drifkraft og þjónustu í þágu alls almennings. Þjónusta er ein meginhugmynd Bjartrar Framtíðar um stjórnmálaþáttöku.

Flokkurinn er byggður upp líkt og öfugur pýramídi. Til að mynda eru formenn ekki í meirihluta í nefndinni heldur þeir fjórir sem koma úr stjórninni. Í framkvæmdastjórn mynda þeir sem koma úr stjórninni einnig meirihluta. Í Bjartri framtíð er fólkið auðurinn, flokkurinn er stofnaður sem hópur. Heiðrinum er dreift og sólarljósið látið skína á sem flesta.