Brynhildur Pétursdóttir

Brynhildur er fædd 30.apríl 1969 í Reykjavík. Hún útskrifaðist úr Menntaskólanum við Sund árið 1989. Hún er með próf frá Leiðsöguskóla Íslands og próf í innanhúshönnun frá Istituto di arti operativi í Perugia.

Auk þess er hún með BA-próf í viðskiptatungumálum frá Syddansk Universitet Óðinsvéum og D-vottun í verkefnastjórnun frá Símenntun Háskólans á Akureyri.

Hún hefur starfað sem leiðsögumaður, sem ritstjóri Neytendablaðsins, sem safnstjóri Nonnahúss og unnið hjá Neytendasamtökunum.

Brynhildur sat í stjórn Heimilis og skóla 2008-2011 og í stjórn Neytendasamtakanna frá 2008.

Hún situr í fjárlaganefnd og þingskapanefnd.